Ftesë për ofertë – Financier projekti “HAPI drejt Zero Plastikë”

All Green Centre shpall thirrjen për paraqitje oferte për Financier Projekti, në kuadër të projektit “HAPI drejt Zero Plastikë”, pjesë e programit RIVERCLEAN – Civil Society Support for Plastic Reduction in Vjosa and Ishëm River Basins through the HAPI Index, i financuar nga Bashkimi Evropian.

Objekti i procedurës: Kontraktim Financier Projekti
Lloji i procedurës: Prokurim i thjeshtë
Kohëzgjatja e kontratës: 12 muaj (0.5 ditë pune në muaj)
Afati për dorëzimin e ofertave: 12.12.2025, ora 16:00

KRITERET E PËRGJITHSHME PËR KUALIFIKIM

• Objekti i veprimtarisë së ekspertit/personit fizik duhet të përfshijë shërbime financiare, kontabiliteti, menaxhim financiar ose fusha të ngjashme.
• Formulari i Ofertës duhet të jetë i firmosur nga ofertuesi.
• Autoriteti Kontraktor ka të drejtë të skualifikojë ofertuesin dhe të vazhdojë procedurën me ofertuesin pasardhës nëse:
  a) shërbimi nuk është sipas kërkesave të Autoritetit Kontraktor; dhe/ose
  b) nuk paraqiten dokumentet e kërkuara; dhe/ose
  c) operatori nuk përgjigjet brenda afateve për realizimin e procedurës; dhe/ose
  d) nuk dorëzon dokumentacionin brenda afateve të përcaktuara.
• Dokumentacioni i kërkuar duhet të dorëzohet në adresën e e-mailit të organizatës: [email protected] ose në adresën postare të All Green Centre, Rr. “Sul Alla”, Ndërtesa. 1, Hyrja 32, Apartamenti 24, Tiranë.

KRITERET E VEÇANTA PËR KUALIFIKIM

1. Përshkrimi i shërbimit

Financieri i projektit do të jetë përgjegjës për:

• Menaxhimin financiar të projektit;
• Ndjekjen e shpenzimeve sipas buxhetit;
• Përgatitjen e raporteve periodike financiare;
• Përgatitjen e dokumentacionit për auditim dhe verifikime;
• Sigurimin e përputhshmërisë me rregullat financiare të donatorit;
• Mbështetje në procedurat e prokurimit dhe dokumentimin financiar të kontratave.

2. Specifikime teknike minimale për financierin

• Diplomë e arsimit të lartë në Financë, Kontabilitet, Ekonomi ose fusha të përafërta;
• Përvojë pune në menaxhim financiar projektesh;
• Njohuri të mira të raportimit financiar;
• Aftësi shumë të mira analitike dhe organizative;
• Njohuri të mira të paketës Microsoft Excel;
• Integritet profesional dhe korrektësi në përmbushjen e detyrave

3. Kriteret e tjera të kualifikimit

• Eksperti/personi fizik duhet të marrë përsipër realizimin e shërbimit për gjithë kohëzgjatjen e projektit.
• Duhet të garantojë cilësinë e shërbimit dhe korrektësinë në raportim.
• Duhet të respektojë afatet e dorëzimit të raporteve financiare.

KRITERE PËR VLERËSIMIN E OFERTAVE

1. Autoriteti Kontraktor ka të drejtë të skualifikojë ofertën e renditur të parën nëse nuk plotëson kushtet ligjore dhe teknike.
2. Oferta fituese do të jetë oferta ekonomikisht më e favorshme bazuar në çmimin më të ulët, me plotësim të të gjithë kritereve teknike.
3. Dokumentacioni për aplikimin duhet të paraqitet:

• CV profesionale;
• Oferta financiare, sipas këtij formati. 

All Green Centre inkurajon të gjithë profesionistët e fushës të aplikojnë.