Sektori i bujqësisë në vendin tonë rrezikon të futet në në një spirale të re krize si pasojë e ndryshimeve klimatike. Fermerët po humbasin gjithnjë e më shpesh prodhimet si pasojë e “kapriçove” të motit, çka pritet të kushtëzojë edhe produktet që shtrohen në tryezat tona. Por, teksa një pjesë e tyre tashmë ka falimentuar, ndërsa efektet po ndjehen gjithmonë e më shumë, të dhënat e përpunuara nga “EkoSkaner” tregojnë se politikat shtetërore në ndihmë të fermerëve janë thuajse inkezistente, duke nisur nga informimi, mbështetja financiare për përshtatje e deri te kompensimi në rast dëmesh. Ekspertët argumentojnë se vetëm sektori bujqësor vuan një kosto të jashtëzakonshme prej 400 mln dollarë humbje në vit, ndërsa shtojnë se kjo kosto do të rritet nëse nuk ndërhyhet në mënyrë urgjente.
Për të ndjekur emisionin e plotë mund të klikoni në linkun e mëposhtëm
